Khaliun's fashion

Миний байшин

2009-02-01T23:44:00.000-08:00

Концерт

2009-02-01T23:22:00.000-08:00

Cheburashka

2009-01-26T19:35:00.000-08:00

Autumn in my Heart

2009-01-26T19:10:00.000-08:00

Chopin Etude -op.10 no.3 Tristesse

2009-01-26T18:17:00.000-08:00

Салхинд туугдагсад

2009-01-26T00:37:00.000-08:00

Салхинд туугдагсад

Gone with the Wind (film)

Миний дуртай бас нэг кино бол Салхинд туугдагсад. Энэ кино нь 1939 онд Маргарет Мичелийн 1936 оны ижил нэртэй зохиолоос сэдэвлэн Виктор Флеминг (Жорж Кюкорын оронд) найруулан бүтээсэн кино юм. Кинонд Иргэний дайны үеийн байдлыг Өмнөдийнхний талаас нь харуулсан байна. Уг кино 10 номинацаар Үндэсний Академийн шагнал хүртсэнээрээ 20 жилийн турш тэргүүн байранд жагсаж ирсэн. Америкийн кино Институт 1998 онд бүх үеийн Америкийн шилдэг 100 киноны жагсаалтыг гаргахад энэхүү кино 4р байранд жагссан ба энэхүү жагсаалтыг дахин 2007 онд 10 дахь жилдээ гаргахад буурч 6д жагссан байна. 2008 оны 6 сард АКИ Америкийн 10 кино төрлийн шилдгийн шилдэг 10 кинонд 1500 хүний санал асуулгаар шалгаруулсан байна. Салхинд туугдагсад кино нь түүхэн сэдэвт киноны төрөлд 4-р байранд орсон байна. Энэхүү кино нь Америкийн түүхэнд хамгийн их билет нь зарагдсан кино ба Холивудад тэсрэлт гаргасан. Өнөөдөр дээрх кино нь бүх цаг үеийн хамгийн алдартай кинонуудын нэг болсон ба Холивудын алтан үеийн мөнхийн бэлэг тэмдэг юм. Инфляцаар тооцоолон үзэхэд энэхүү кино нь бүх цаг үеийн хамгийн их орлоготой кино юм.

Жүжигчид: Clark Gable Vivien Leigh Leslie Howard Olivia de Havilland Hattie McDaniel Ernest Haller Төсөв: $3.9 саяНийт орлого: $90.2 саяСалхинд туугдагсад кино

Forrest Gump

2009-01-25T23:22:00.000-08:00

Миний дуртай нэг кино бол Forrest Gump. Энэ кинонд санамсаргүйгээр ч гэх юмуу санаатай ч гэх юмуу нэгэн залуугийн бүх зүйл амжилтанд хүрч байгаа тухай гардаг. Хүн бүр түүнийг тэнэг гэдэг боловч энэ хүн уг чанартаа маш ухаалаг хүнд их хайртай хүн юм. Яагаад энэ кино миний дуртай кинонуудын нэг боловоо гэвэл түүний хайртай бүсгүй Jenny хэдийгээр багаасаа хайхрамжгүй эцгээсээ болон янз бүрийн зовлон үзэж буруу замаар амьдарч байсан ч гэсэн Гамп түүнд хайртай хэвээрээ л байсан. Хэзээ ч түүнийг шүүмжилж, муулж, бас түүнд сургаж байгаагүй. Түүнийг зүгээр л байгаагаар нь л хайрласан. Тиймдээ ч эцсийн эцэст түүнийхээ эр нөхөр нь болж хүүтэй болсон.

Бас нэг таалагдсан зүйл нь энэ кинонд түүний бусад хүмүүсийг гэсэн сэтгэл. Бүх зүйлд тэр амжилт гаргаж байсан. Яагаад гэвэл тэр анхаарал тавьсан оролдсон зүйлээ өөр зүйлд сатааралгүйгээр өөрийгөө зовоолгүйгээр хийсэн шиг хийж бүтээсэн шиг бүтээж байсан. Хүүхэд шиг юу ч бодолгүйгээр юунд ч санаа зоволгүйгээр амжилтанд хүрсэн.

Энэ кино зөндөө л шагнал авсан байсан. Бас тухайн үедээ (1994 онд) хамгийн их ашиг орлого олсон кино болж байсан байна.

Шенгений орнууд ба виз хэрхэн авах тухай

2009-01-20T03:41:00.000-08:00

Шенгений орнууд гэж юу вэ?
Шенгений орнууд, Шенгений виз гэдэг үг бидний чихэнд хэдийнэ хоногшжээ. Энэ хоршоо үгийг сонссон хэн бүхэнд хил гаалийн нэгдсэн системтэй, Европын хэд хэдэн улсын тухай ойлголт төрдөг.
Шенген нь угтаа Люксембургийн нутагт орших Schengen хэмээх жижигхэн тосгоны нэр аж. Люксембургийн вант улсын зүүн өмнөд хэсгийн гэгээн Маркийн уулыг эмжин урсах Мозель голын хөндийд байрладаг эл тосгоныхон Герман, Францтай хил залган амьдардаг аж. 400 гаруй хүнтэй тосгоны оршин суугчид дарс эсгэж олсон мөнгөөр амьжиргаагаа голлон залгуулдаг байна.
Түүхийн хуудсыг сөхөн үзвэл хүрэл зэвсгийн үеэс энд хүмүүс суурьшиж байсан агаад тосгоны нэр нь МЭ 877 оны тэртээх бичиг дурсгалын өвд тэмдэглэгдэн үлджээ.
1909 онд Мозель гол дээгүүр гүүр тавьснаар дундад зууны үеэс Шенгений оршин суугчдыг нааш цааш зөөж ирсэн гатлага онгоцны үйлчилгээг халсан аж. Харамсалтай нь дэлхийн II дайны эхэн үед уг гүүрийг устгаж орхисон бөгөөд хожим нь 1959, 2003 онд шинэ гүүрийг ашиглалтад оруулжээ. Дээр өгүүлсэнчлэн Шенген гэдэг нэрийн дор нэгдсэн хил хязгаартай, чөлөөтэй зорчиж болох орон зайг үүсгэсэн хэсэг улсын тухай ойлголт төрөх нь элбэг. Тосгонд ирсэн хүн юуны түрүүнд XVIII зууны үеийн Шенгений шилтгээн болох Кохагийн байшинг үзэхээс гадна дээрх хэлэлцээрийг байгуулсан Шенгений талбай, тэнд босгосон дурсгалын хөшөөтэй танилцах боломжтой. Энд сүндэрлэх гурван багана нь Шенген гэдэг үгийн эхний үсгийг илэрхийлдэг аж.
Шенгений хэлэлцээр
“Хил залгаа орших Европын холбооны орнуудын хоорондох гааль, паспортын хяналтыг цуцлах тухай” хэлэлцээрийг анх 1985 оны зургадугаар сарын 14-нд Бельги, Нидерланд, Люксембург, Франц, Герман, Португал, Испани зэрэг долоон улс байгуулжээ. Гэхдээ уг баримт бичиг бараг 10 жилийн дараа буюу 1995 оны гуравдугаар сарын 26-наас хүчин төгөлдөр мөрдөгдөж эхэлсэн байна. Өнгөрсөн хугацаанд уг хэлэлцээрт найман орон шинээр нэгдсэн бөгөөд Европын холбооны бусад гишүүн ойрын хугацаанд элсэхээр төлөвлөөд буй аж.
Европын холбооны гишүүн Ирланд, Их Британи Шенгений оронд харьяалагддаггүй бол, тус холбооны гишүүн бус Норвег, Исланд улс дээрх хэлэлцээрт нэгджээ. Хэдийгээр хэлэлцээрт оролцоогүй ч Ирланд, Их Британи нь Шенгений мэдээллийн системийг /SIS/ ашиглах эрхтэй юм. Энэхүү мэдээллийн систем нь хэлэлцээрт нэгдсэн 15 орны Засгийн газар хоорондын нэгдсэн сүлжээ юм. Албан бус мэдээгээр, аюулгүй байдлыг хангах үүднээс дээрх мэдээллийн санд Шенгений орнуудаар зорчих, түр болон удаан хугацаагаар оршин суух хүмүүсийн овог нэр, гадаад төрх, төрсөн он болон газар, яс үндэс зэргээс гадна, хулгайлагдсан бичиг баримт, автомашин, галт зэвсгийн талаарх 15 сая бичлэг хадгалагдаж буй аж.
Шенгений виз гэж юу вэ?
Энэ нь дээрх хэлэлцээрт нэгдсэн орнуудын аль нэгнээс олгосон виз юм. Эдгээр улсын аль нэгэнд нь олгосон виз бусад оронд хүчин төгөлдөр үйлчилнэ. Шенгений визийн нэлээд хэдэн төрөл байдгаас хамгийн их хэрэглэгддэг нь богино хугацааны, жуулчлалын болон ажил хэргийн буюу бизнес виз юм. Хэрэв та Шенгений визийн талаар дэлгэрэнгүй мэдээлэл авахыг хүсвэл http://www.shengen.ru/ сайтыг сонирхоорой.
Шенгений хэлэлцээрийн гишүүн орнууд:

1.Австри 2.Бельги 3.Дани 4.Финланд5.Франц 6.Герман 7.Исланд 8.Итали 9.Грек 10.Люксембург11.Нидерланд12.Норвег13.Португал14.Испани15.Швед

Шинээр элсэхээр зэхэж буй улс:
1.Кипр2.Чех3.Эстони4.Унгар5.Латви6.Литви7.Мальт8.Польш9.Словак10.Словен
Шенгений визийн хэрхэн авах вэ?
Та өөрийн зорчих гол орны Элчин сайдын яаманд визийн өргөдлөө гаргана. Германы Элчин сайдын яам дараахь улсуудыг төлөөлж байгаа тул таны зорчих гол орон Герман, Бельги, Дани, Грек, Латви, Люксембург, Нидерланд, Австри, Португал, Испани, Исланд, Швед, Финланд улсууд бол Та Германы Элчин сайдын яаманд өргөдлөө гаргаж болно. Өргөдлөө өгөхдөө үйлчилгээний хураамж 60 евротой тэнцэх доллараар(тухайн өдрийн ам. долларын ханшаар) төлөх ба энэ хураамжийг виз татгалзсан болон өргөдлөө буцаан авсан тохиолдолд буцаан олгохгүй. Та өргөдлийн маягтыг визийн тасаг болон Элчин сайдын яамны цахим хуудаснаас үнэгүй авна. Өргөдлийн маягтыг бөглөхдөө орчуулгын товчоо болон гуравдагч этгээдийн туслалцаа авах шаардлагагүй. Та гуравдагч этгээдийн туслалцааг авсан ч өргөдөлд мэдүүлсэн мэдээллийн үнэн зөвийг Та өөрөө хариуцна.
Та визний мэдүүлгээ цаг хугацаанд нь өгнө үү (баримт бичгийг явахаасаа 3 сарын өмнө өгч болно)! Баримт бичгийг хамгийн багадаа ажлын 4 өдөрт боловсруулан шийдвэрлэх ба асууж тодруулах зүйл гарсан зарим тохиолдолд үүнээс удаан хугацаа шаардагдаж болно. Зарчмын хувьд виз мэдүүлэгч өөрийн биеэр ирж өргөдлийг гаргана.Зарчмын хувьд виз мэдүүлэхдээ нэг, хоёр ба олон удаа орох виз мэдүүлж болох ба нийт оршин суух хугацаа нь Шенгений орнуудад нэвтэрсэн өдрөөс эхлэн хагас жилд 90 хоногоос илүүгүй байна. 18-аас доош насны аялагчид асран хамгаалагчийн нотариатаар баталгаажуулсан зөвшөөрлийг авчирна. Аялагч болгон тусдаа өргөдөл гаргана. Элчин сайдын яам бүх төрлийн аялалд зориулж дэлгэрэнгүй санамж бичгүүдийг гаргасан байгаа. Баримт бичгийг дутуу бүрдүүлж өгвөл мэдүүлгийг шийдвэрлэх боломжгүйг анхаарна уу! Дээр дурдсан баримт бичгүүдээс гадна зарим тохиолдолд нэмэлт зүйл шаардагдаж болно.
Бусад асуудлыг Визийн тасгаас лавлана уу:
Утас: +976-11-319 739
(Даваа – Пүрэв, 14.30-16.30 цагт)
Факс: +976-11-323 905
e-мэйл:
visa@ulan.diplo.de
Энэ и-мэйл хаяг спамаас хамгаалагдсан тул JavaScript тохиргоогоо нээнэ үү
Энэ имэйл хаяг нь spam bot-оос хамгаалагдсан тул үзэхийн тулд Javascript-ийг зөвшөөрөх хэрэгтэй.
www.ulan-bator.diplo.de
Визийн тасгийн ажиллах цагийн хуваарь:
Өргөдөл өгөх: Даваа – Пүрэв 9:00 - 12:00 цагт
Паспортаа ирж авах: Даваа – Пүрэв 14:00 цагт

Чамайг инээхэд дэлхий ертөнц бүхлээрээ чиний өмнөөс инээнэ

2009-01-20T03:25:00.000-08:00

Хэн нэгний инээж байгааг сонсоод та инээхгүй байж чадах уу? Хацрынхаа булчинг өвдөтлөө барьж хүчилсэн ч инээд таны дотроос өөрийн эрхгүй гарах гэдэг биз дээ. Инээд яг л агаарт цацагдангуутаа маш хурдан үржилд ордог нян мэт. Гэхдээ хэрэв нянтай зүйрлэвэл инээд хамгийн сайн нян. Инээдний ач тусыг хүн бүр л гайхдаг. Гэхдээ яг ямар ач тустай, юунд сайн байдгийг та мэдэх үү? Тэгвэл...
1. Ядарсан мэт сэтгэгдэл төрж байна уу? Тэгвэл зүгээр л инээмсэглэ. Ингэвэл сэтгэл санааны тааламжгүй байдал урьд өмнө байгаагүй мэт алга болно. Инээхээс битгий ич. Сайхан инээд нь зөвхөн сэтгэл санааг сэргээдэггүй. Инээх дуртай хүмүүс бага өвчилж, цухалдаж, уурлах нь багасч, сэтгэл гутрал гэж юу байдгийг мэддэггүй байна. 2. Инээд нь тайвшруулах үйлчилгээтэй. Инээд нь аз жаргалыи даавар болох эндофриныг ялгаруулдаг. Энэ нь уур цухалдал, гуниг, гутралаас ангижруулдаг байна. Үүнээс гадна хамгийн сүүлд хэзээ инээснээ санахад хүртэл сэтгэл санааны байдал сайжирдаг гэнэ. Британийн сэтгэл зүйчдийн судалгаагаар инээдмийн кино үзсэний дараа хүний уур бухимдлын түвшин хэд дахин буурдаг болох нь батлагджээ. Үүнээс гадна инээдмийн зүйл үзэхээр төлөвлөсөн хүмүүс үзвэрээсээ хоёр хоногийн өмнөөс эхлэн уурлаж бухимдах нь хоёр дахин багасдаг байна. 3. Инээд нь арьсыг сэргээдэг. Хэрвээ та байнга инээдэг бол үнэтэй гоо сайхны эмчилгээг мартаж болно. Учир нь инээд нүүрний булчинг сэргээж, цусны эргэлтийг сайжруулдаг байна. Үүний ачаар хүний нүүрний арьс туяарч, өнгөлөг болж эхэлнэ.

4. Инээд харилцааг бэхжүүлнэ. Сайхан, эелдэг харьцааг тогтооход инээмсэглэл маш чухал үүрэггэй. Хүмүүсийн тухай инээдтэй төсөөлөл бие биетэйгээ илүү нээлттэй харилцахад тустай. Хэрвээ та хошигнож байгаа бол инээдтэй харагдахаас битгий ичээрэй.

5. Инээд биеийн галбирыг хадгалдаг. Инээд бол аэробикийн дасгапын нэг төрөл. Учир нь инээж байх үед бид их хэмжээний хүчилтөрөгч ялгаруулдаг. Энэ нь зүрхний үйл ажиллагааг хэвийн болгож, цусны эргэлтийг сайжруулдаг байна. Инээдийг "дотоод" аэробик ч хэмээн нэрлэдэг. Учир нь инээд нь дотоод эрхтнүүдэд массаж болж, илүү үр дүитэй ажиллахад тус хүргэдэг. Инээд нь мөн гэдэс, нуруу, хөлийн булчинг хөгжүүлдэг. Нэг минутын инээд нь 10 минут хүндийг өргөх буюу 15 минут дугуй унасантай тэнцэнэ. Хэрвээ та нэг цагийн турш чин сэтгэлээсээ инээвэл 500 ккал илчлэг шатаах бүрэн бололцоотой. Ийм хэмжээний илчлэгийг нэг цагийн турш хурдан гүйж л шатаах боломжтой.

6. Инээд нь зүрхийг эрүүлжүүлдэг. Инээдний ачаар цусны судсууд тэлж, цусны эргэлт сайжирдаг. 10 минут инээхэд л цусны даралт илт буурч, холестерин үүсэх эрсдэл багасдаг байна. Инээд нь зүрхний дайрлагад өртсөн хүмүүст ч ашигтай. Эмч нарыи үзсэнээр сайхан сэтгэгдэл хоёр дахь удаа дайрлагад өртөх магадлалыг бууруулдаг гэнэ.

7. Инээд өвчин намдаадаг. Хүнийг инээх үед ялгардаг аз жаргалын даавар болох эндофрин нь бидний бид махбодын жинхэнэ өвчин намжаах эм юм. Түүнээс гадна хүн инээж байх үедээ өвчнөөсөө хөндийрч, хэдэн минут ч болов өвчнөө мартдаг байна. Инээж, асуудлыг эергээр харж чаддаг өвчтнүүд гуниглаж байгаа хүмүүсийг бодвол өвдөлтийг илүү тэсвэрлэх чадвартай байдаг хэмээн эмч нар тэмдэглэжээ.

8. Инээд уушгийг хөгжүүлдэг. Инээд бол багтраа, бронхитоор өвчилсөн хүмүүсийн хамгийн шилдэг дасгал юм. Инээж байх үед уушигны үйл ажиллагаа идэвхиждэг. Ингэснээр цусанд хүчилтөрөгч орох нь ихэсч, чийгийн зогсонги байдлыг цэвэрлэдэг байна. Зарим нэгэн эмч нар инээдний үйлчилгээг цээжний эсийн физиотерапитай харьцуулан үздэг.

9. Инээд стрессийг ялан дийлдэг. Британий эрдэмтэд инээдийг хүний биед хэрхэн нөлөөлдөг болохыг судалжээ. Судалгаагаараа тэд сайн дурынхныг хоёр үндсэн хэсэг хуваасан байна. Эхний бүлгийн хүмүүст тэд хошин шогийн тоглолт цагийн турш үзүүлсэн бол хоёр дахь бүлгийнхнийг чимээгүй суухыг хүсчээ. Үүний дараа туршилтанд оролцогчид цусны шинжилгээ өгсөн байна. Шинжилгээгээр хошин шогийн тоглолт үзсэн хүмүүсийн стрессийн дааврын түвшин (кортизол, допамин, адреналин зэрэг) нь хоёр дахь бүлгийнхнээс харьцангуй бага байжээ. Учир нь хүн инээж байх үед биеийн бүх хэсгийн ачаалал нэмэгддэг гэнэ. Харин инээхээ болих үед бие тайвширч, сулардаг байна. Тэгэхээр инээд нь биеийн болон сэтгэлийн ачааллаас давхар салгадаг эм гэсэн үг. Эрдэмтдийн баталснаар нэг минут чин сэтгэлээсээ инээх нь 45 минут тайван амарсантай тэнцдэг гэнэ.

10. Инээд дархлааг сайжруулна. Инээд нь халдварт өвчинтэй тэмцэхэд тустай. Хүн чин сэтгэлээсээ инээсиий дараа амьсгалын замаар антител их хэмжээгээр ялгарч гардаг байна. Энэ нь нян, вирусээс хамгаалахад тустай. Инээд нь мөн түүнчлэн хорт хавдар зэрэг янз бүрийн өвчинтэй тэмцэгч лейкоцитийн ялгаралтыг нэмэгдүүлдэг

Хүн бүр адилхан

2009-01-15T00:14:00.000-08:00

Манай дэлхийн хүн ам 6 тэрбум гаран. Тэр 6 тэрбум хүнээс бие биенээ огт танихгүй дурын хоёр хүнийг сонгоод хэдэн хүнээр дамжин хоорондоо танил болж болохыг тооцоход ердөө 5-6 хүнээс хэтэрдэггүй гэж байгаа. Гайхалтай байгаа биз. Таныг африкийн дурын нэг хүүхэдтэй хэдэн хүн дамжаад холбогдохыг тоолоход яахнав? Ердөө 6-хан хүнээр дамжаад та хоёр холбогдох нээ. Монголд бол дурын хоёр хүнийг сонгоход тэднийг шууд танидаг нэг хүн заавал олдоно гэсэн үг болох байх даа. Энэ үнэн гэж бодож байна.
Ерөөс хүний ертөнц гэдэг хүмүүс хоорондын гинжин хэлхээнээс бүтдэг. Нийгэм дотор янз бүрийн сонирхлоор нэгдсэн хүмүүсийн сүлжээ, бүлэглэлүүд оршин байна. Жишээ нь , хүнсний салбарынхан, програмчлалын салбарынхан ч гэдэг юмуу, ан хийдэг сонирхолтой хүмүүсийн нийгэмлэг, нэг ангийнхан, за тэгээд монголд бол нутаг нугынхан гээд явж өгнө дөө. Ийм ч учраас орчин үеийн маркетингд хүмүүсийн ам дамжсан яриаг ашиглахыг хамгийн оновчтой аргад тооцдог. Насанд хүрсэн нэг хүний танилын тоо дунджаар 250-300 орчим байдаг гэж хаа нэгтээ уншсан санагдана. Англиар ам дамжсан яриаг buzz гэж хэлдэг. Лэксус, виагра гэх мэтийн брандуудыг энэ аргаар гаргаж ирсэн гэх юм билээ. Оршлыг үүгээр өндөрлөөд үндсэн сэдэвтээ оръё.
Интернетийн ертөнцөд хүний нийгмийн холбоост чанарыг ашиглан хүмүүсийн бүлэглэлийг бий болгохыг зорьсон нь SNS буюу Social Networking Service юм. Бас өөрөөр Social Networking Site ч гэж хэлэх нь бий.
Товчхон хэлэхэд гишүүнчлэлтэй, гишүүн болоход заавал хэн нэгэн гишүүний урилгаар элсдэг сайтыг SNS гэсэн ангилалд багтаадаг. Энэ сайт дотор гишүүдийн товч намтар нээлттэй байх бөгөөд гишүүд хоорондоо мэдээлэл солилцох, захидал бичилцэх, өдрийн тэмдэглэлээ нээлттэй хөтлөх зэргээр үйл ажиллагаа явуулна. SNS-ийн хамгийн том төлөөлөгч гэвэл дэлхийн хамгийн том сайт болох MySpace, японы mixi –ийг дурдаж болно. За тэгээд нохой, муур тэжээгчдийн SNS гэж хүртэл байна. Заавал хэн нэгэн гишүүнээр дамжиж орохгүй шууд өөрийгөө танилцуулаад ордог сайт ч байдаг.Ер нь эцэст нь монгол хүмүүст ойлгомжтойгоор хэлэхэд интернэт дэх “сүлжээний бизнес”-ийн загварыг ЭсЭнЭс гэдэг юм байна гэхэд болно.
Зарим ЭсЭнЭсүүдээс танилцуулъя:
Tickle.com （асуулт）http://web.tickle.com/
universe.icq.com（ICQ）http://universe.icq.com/
Mywallop.com （MS)http://mywallop.com/
Meat up.comhttp://www.meetup.com/
Friendzy.comhttp://www.friendzy.com/
Threedegrees.com（Microsoft)threedegrees.com
Tribe.net(зарлалын самбар）http://www.tribe.net/
myspace.comhttp://www.myspace.com/
evite.comhttp://www.evite.com/
MonsterNetwork(ажлын зуучлал）http://network.monster.com/
openbc.com(Германы том）https://www.openbc.com/
flickr.com（фото SNS）http://www.flickr.com/
funhi.comhttp://www.funhi.com/
livejournal.com(блогийн төрөл）http://www.livejournal.com/
thefacebook.com（зөвхөн оюутнуудад）http://www.thefacebook.com/
■Бизнесийн хувьд алдартай SNSүүд
LinkedInhttp://www.linkedin.com/
Ryze.comhttp://www.ryze.com/
■Гэртээ амьтан тэжээгчдийн SNSkissykat.comhttp://www.kissykat.com/
neopet.comhttp://www.neopet.com/
dogster.comhttp://www.dogster.com/index_dogster.php
hamsterster.comhttp://www.hamsterster.com/
Японы ЭсЭнЭсүүдээс:
gree.jp
mixi
gocoo
uume
トモモト
Echoo!
キヌガサ
minii
フレンドマップ
meetme
commonfriends
amigo
ANAfriendpark
theSpoke
ECナビ
YAMAHA　プレイヤーズ王国
jpmusicians.net
24d
gaijinfinder
Монгол гаралтай ЭсЭнЭс: Удахгүй төрөх байхаа. Төрөх гээд дуншиж л байх шиг байна.

ALIENWARE гэж юу вэ?

2009-01-14T23:42:00.000-08:00

Дэлхийн ихэнх хэрэглэгчдэд зориулсан бараа үйлдвэрлэгч гэж байхад зөвхөн элитүүдэд зориулсан бараа үйлдвэрлэдэг тусгай компани гэж бас бий. Тэгвэл компьютер болон зөөврийн компьютер үйлдвэрлэгчид дотор бас ийм үйлдвэрлэгч бий. Ширээний компьютерийн ертөнцөд ийм бараа үйлдвэрлэдэг компанийг Alienware гэдэг. Alienware бол Америкийн компьютер болон түүний дагалдах хэрэгсэл, тоног төхөөрөмж үйлдвэрлэдэг компани бөгөөд Dell корпорацийн охин компани болж явдаг юм. Энэ компанийн гол зорилго бол дээд зэрэглэлийн чанартай, өндөр гүйцэтгэл бүхий видео тоглоомын компьютер, графикийн тусгай зориулалттай ширээний болон зөөврийн компьютер бүтээх явдал юм. Ер нь бол хамгийн дэгжин, өндөр хүчин чадалтай компьютер хэрэглэхийг хүссэн хангалттай мөнгөтэй хэрэглэгчид бол эдний гол худалдан авагчид байдаг. Alienware нь бэлэн компьютер худалдахаас гадна дагалдах хэрэгслийг бүтээж зардаг. Тухайлбал өндөр зэрэглэлийн чихэвч, компьютерийн хулгана, дэлгэц, гар зэргийг дурдаж болно. Лас Вегаст болсон 2008 оны Consumer Electronics Show дээр жинхэнэ аварга бөгөөд тансаг хэрэглээ гэж юу байдгийг яруу тодоор харуулсан байна. Alienware компанийг нь 1996 онд Nelson Gonzalez, Alex Aguila нар үүсэн байгуулжээ. Гол толгой офис нь Флорида мужийн Kendall хотод байрладаг байна.

ТҮҮХ

1996 онд байгуулагдсан цагаасаа эхлээд л хамгийн өндөр хүчин чадалтай ширээний компьютер, notebook, workstation угсарч ирсэн байна. Alien гэдэг нь Харь Гаригийн Хүн гэсэн үг юм. Тухайн үед The X Files кино жинхэнэ хит болж байсан бөгөөд компанийг үүсгэн байгуулагчид уг киног шимтэн үздэг байсан гэдэг. Иймээс компаниа Alienware гэж нэрлэсэн юм. Түүнчлэн бүтээгдэхүүнүүдийнх нь загварууд нь дандаа иймэрхүү сэдэвтэй. Брэнд нэрүүд нь Area-51 (51-р район), Hangar 18 (Нисэх онгоцны байр 18), m15 болон Аврора гэсэн нэртэй байдаг. Alienware нь анхнаасаа л зөвхөн хамгийн шилдэг компьютерийг үйлдвэрлэх зорилго тавьсан юм. Иймээс тэдний бүтээгдэхүүнүүд нь тухайн үеийнхээ хамгийн шилдэг техник хангамжуудыг хэрэглэсэн байдаг боловч энэ нь тэдний бүтээгдэхүүнүүд маш үнэтэй болохын гол шалтгаан юм. Иймээс тэдний нэр жирийн компьютерийн ертөнцөд ерөөсөө харагддаггүй билээ. Тэдний гол зах зээл бол тоглоомын зах зээл гэж өөрсдөө хэлдэг. Ийм өндөр зэрэглэлийн тоглоомын тоног төхөөрөмжүүд нь зах зээлд өргөн хэмжээгээр худалдаалагдаж чаддаггүй. Иймээс компани бүтээгдэхүүнээ борлуулах өвөрмөц арга барилыг хэрэглэдэг. Тэд компьютерийнхаа бүрэлдэхүүн хэсгүүдийг хамгийн нарийн шалгуураар авдаг бөгөөд тэдний компьютерт бүтээгдэхүүнээ нийлүүлэх нь бараг л нэр хүндийн асуудал байдаг гэнэ шүү. Энэ компанийн бүтээгдэхүүн нь хамгийн шилдэг хүчин чадалтай байхаас гадна тэдний алдартай бас нэг зүйл нь маш өвөрмөц дизайнд нь байдаг. Тэдний загварыг хальт хараад л мэдэх болно. Яг л Ferrari шиг..

АЖИЛЛАГАА

Мэдээж улс орон болгонд баян өөрөөр хэлбэл хамгийн шилдэг бүтээгдэхүүнийг үнэ хайрлахгүй авах сонирхолтой худалдан авагчид байдаг тул Alienware нь 2002 оноос өөрийн салбаруудаа Европ, Ази, Африкт нээж эхэлсэн байна. Компани жилд дунджаар 170 сая долларын борлуулалт хийдэг аварга болсон бөгөөд энэ бүхэнд Австрали, Канад, Франц, Герман, Их Британи, Коста Рика зэрэг баян орнуудад хийсэн худалдаа нь ихээхэн нөлөө үзүүлжээ. Коста Рика оронд дуудлагын төвөө ажиллуулдаг бөгөөд энэ төв нь дэлхий даяарх элдэв гомдол, дэмжлэг туслалцааг утсаар үзүүлдэг байна. Мэдээж маш үнэтэй компьютер зардаг тул худалдан авагчид нь ярвагар хүмүүс байдаг нь тодорхой. Тэд нэг л юм болохгүй бол утсаа шүүрч авдаг зантай хүмүүс. Иймээс Alienware нь дуудлагын төвдөө маш их мөнгө зарцуулдаг бөгөөд асар их ач холбогдол өгдөг байна. Тэд бас AlienExchange (Alien Солилцоо) гэсэн хөтөлбөртэй бөгөөд энэ нь хуучин Alienware компьютераа авчирч өгөн оронд нь шинэ компьютерийг хямд үнээр худалдаж авах боломжийг олгодог юм байна.

ӨРСӨЛДӨГ-ЧИД

Сайн өрсөлдөгчгүй бол ямар ч бизнес хол явахгүй өөрөөр хэлбэл хөгжихгүй нь тодорхой юм. Мэдээж Alienware-д эвгүй өрсөлдөгчид хэд хэд бий. Falcon Northwest, Velocity Micro, VoodooPC зэргийг дурдаж болох юм. VoodooPC нь өнөөдөр Dell кордорацийн ширүүн өрсөлдөгч болоод байгаа. Бас Hewlett-Packard нь иймэрхүү тансаг компьютер үйлдвэрлэлээр сүүлийн жилүүдэд ширүүн дайралт хийж буй. Dell корпораци Alienware-ийг худалдан авахаас өмнө бас Dell корпорацитай өрсөлддөг байсан бөгөөд тэдний XPS гэсэн тоглоомын систем нь тэдэнд ихээхэн бэрхшээл учруулдаг байжээ.

ХУДАЛДАА ХИЙГДСЭН НЬ

2-хон жилийн өмнө буюу 2006 оны 3-р сарын 22-нд Dell корпораци нь Alienware-ийг худалдан авахаар болжээ. Alienware маань өөрөө багагүй нүсэр бүтэцтэй байсан тул худалдан авах процесс амаргүй байжээ. 2008 оны 4-р сард Alienware нь Dell корпорацийн Тоглоомын брэндүүдийг хариуцаж ажиллахаар болжээ. Тэгэхээр удахгүй монгол оронд маань Alienware-ийн тансаг гоё компьютерууд орж ирж магадгүй л юм.

ALIENWARE

Одоо компанийн зарим нэг өвөрмөц мэдээллийг хүргэе.
Компани дэлхий даяар 700 гаруй ажилтнуудтай гэнэ.
Alienware Video Array Технологи
Тусгай метал өнгүүд
Зөвхөн Alien-ы маш гоёмсог дэлгэцийн загвар (Desktop Theme Manager 4.0)
Alienware-ийн шингэн хөргөх технологи
ALX Өндөр Гүйцэтгэлийн Систем
Зөөврийн Компьютер дахь хэрэглэгч сольж болох график
Шагнал бүхий Системийн интеграци
AlienIce хэмээх сонгодог загварын Видео хөргөх систем
AlienAutopsy хэмээх Автоматчлагдсан Техникийн туслалцаа үзүүлэх систем
Alien Factory хэмээх үйлдлийн систем болоод драйвер програмуудыг автоматаар суулгах систем
Alien Adrenaline хэмээх видеоны гүйцэтгэлийг дээд зэргээр дэмжих систем

Banjig AdPlace үйлчилгээг танилцуулж байна

2009-01-13T21:34:00.000-08:00

Та бүхэн сайхан баярлацгаасан уу?
Ads by Banjig.NetБанжиг Ёолкны үеэр бид албан ёсоор Banjig AdPlace үйлчилгээ нээх гэж буй тухайгаа мэдэгдсэн билээ. Энэ үйлчилгээ маань өнөөдрөөс эхлэн Бета түвшинд ажиллаж эхлэхэд бэлэн болоод байна. Хамгийн товчхоноор тайлабарлахад Banjig AdPlace нь вэб болон блог хөтөлдөг хүмүүс өөрсдийн сайт дээр сурталчилгаа байрлуулан мөнгө олох боломж олгох үйлчилгээ юм.Хэн энэ үйлчилгээг хэрэглэх боломжтой бэ?
Өөрийн гэсэн вэб сайт болон блог эрхэлдэг бүх хүмүүс энэ үйлчилгээнд үнэ төлбөргүй хамрагдах боломжтой.
Зөвхөн Банжиг Блогууд хэрэглэх үү?
Үгүй. Харин та энэ үйлчилгээг хэрэглэхийн тулд Банжиг.Нээтэд зайлшгүй бүртгүүлэх хэрэгтэй. Учир нь энд мөнгөтэй холбоотой зүйлс яригдаж байна шүү дээ. Банжиг Блогуудын хувьд Banjig AdPlace сурталчилгааг блогтоо оруулахад хялбар байх вижетүүд ойрын үед нэмэгдэх болно.Зарим анхаарах зүйлсОдоогоор дөнгөж эхэлж буй учраас Banjig AdPlace дахь төлбөрт сурталчилгаа цөөхөн байгаа. Тиймээс зарим олон нийтийн шинж чанартай, төлбөргүй сурталчилгаа гарвал та бүү гайхаарай, бүү дургүйцээрэй. Тун удахгүй систем бүрэн багтаамжаар ажиллах болно.Бид Банжиг Тусламжийн систем рүү Banjig AdPlace-тэй холбоотой заавруудыг оруулсаар байгаа хэдий ч цоо шинэ үйлчилгээний хувьд зарим талаар ойлгомжгүй зүйлсийн тухай тайлбарласан заавар дутагдаж болох юм. Тиймээс та ойлгомжгүй зүйлс гарвал энд бичиж асуугаарай.Та хэрвээ сонирхож байвал яг одоо http://adplace.banjig.net/ хаягаар орж эрх нээлгэх формыг бөглөөрэй.

winter 2009-chloe

2009-01-13T04:30:00.000-08:00

Алтан бөмбөрцөг 2009-Хамгийн сайхан хувцасласан

2009-01-12T23:22:00.001-08:00

Алтан бөмбөрцөг 2009-Гоёл чимэглэл

2009-01-12T23:17:00.001-08:00

2009-01-12T22:47:00.000-08:00

66 дахь удаагийн Алтан бөмбөрцөг наадам нь 2009 оны 1 сарын 11ний өдөр АНУ-ын Калифорнийн, Беверли Хиллсд болж өнгөрсөн ба NBC ээр 14,6 сая хүн шууд дамжуулан үзсэн байна.

Гол шагналуудын эзэд нь:

Шилдэг кино- "Ядуусын хорооллын саятан"
Шилдэг эмэгтэй жүжигчин-Кэйт Винслет, "Хувьсгалын зам"
Шилдэг эрэгтэй жүжигчин-Мики Роурке, "Бөх"
Инээдмийн болон хөгжмийн төрлийн шилдэг кино-"Вики Кристина Барселона"
Инээдмийн болон хөгжмийн төрлийн киноны шилдэг эмэгтэй жүжигчин-Сэли Хокинс, "Жаргалтай хүн азтай явдаг"
Инээдмийн болон хөгжмийн төрлийн киноны шилдэг эрэгтэй жүжигчин-Колин Фарел, "Бругт"
Шилдэг туслах дүрийн эмэгтэй жүжигчин-Кейт Винслет, "Уншигч"
Шилдэг туслах дүрийн эрэгтэй жүжигчин-Хит Лэжер, "Хар цэрэг"
Шилдэг комьпютер графикийн хүүхэлдэйн кино- "Е-Хана"
Гадаад хэл дээрх шилдэг кино-"Израйл нутаг" (Израйл)
Шилдэг найруулагч -Дэни Бойл, "Ядуусын хорооллын саятан"

Golden Globe 2009

2009-01-12T22:11:00.000-08:00

2009 оны 1 дүгээр сарын 10 ны өдөр 66 дахь удаагийн Алтан бөмбөрцөг наадамд оролцохоор 50 гаруй Холливудын одод Беверли Хилтонд (оройн 8-11 цагт) цугласан байна.

Шилдэг кино зураглаач-Slumdog Millionaire

Инээдмийн болон хөгжмийн төрлийн шилдэг кино-Vicky Cristina Barcelona

Шилдэг эрэгтэй жүжигчин-Mickey Rourke, "Бөх"

Шилдэг эмэгтэй жүжигчин-Kate Winslet, "Хувьсгалын зам"

Инээдмийн болон хөгжмийн төрлийн шилдэг эмэгтэй жүжигчин-Sally Hawkins, "Жаргалтай хүн азтай явдаг"

Инээдмийн болон хөгжмийн төрлийн шилдэг эрэгтэй жүжигчин-Colin Farrell, "Бругт"

Үзмэрч болох зөвөлгөө

2009-01-12T01:24:00.001-08:00

Ажил хийх гэхээр залхуу хүрээд сонин байнуу? Зүгээр байжаагаад мөнгө олчxысан тээ. Болноо, болкуу юм байхгүй. Би өөрөө үзмэрч хүн. Ажилдаа тэнцкүү вайна гэж халагдаад, энд тэнд паакталж зөндөө явсоо. Иргэдийн төлөөлөгчдийн хуралд дэвшчих мөнгө байдгүй, тэгээд үзмэрч хийж Сүхийн талбайн хонхны хажууд зоос гүйлгэж, чулуу татдаг байлаа. Одоо томорсоо. Юун газар суух. За гол гол юмаа хэльяаа, цаг бага байна.
Ер нь яаж аймшигтай мундаг үзмэрч болох вэ? Энэ талаар өөрийн туршлага дээр тулгуурлаж хэдэн зөвөлгөө өгий. Гэхдээ цааш нь нийг их зарлаад хэрэггүй, өөрөө л тогтоогоод авчих. Юуны түрүүн нүүрэндээ маш зузаан шир хайчилж наах хэрэгтэй. Шир олдкуу бол байнга сотгуу байдиймуу яадийн. Эрүүл ухаанаар эрүүл бус юм байн байн ярина гэдэг чинь амар ажил биш. Угийн согтуу юм шиг төрсөн улсууд бий л дээ. Тэднүүс бол бэлэн матриал гэсэн үг. Одоо манай энэ хэн... эднүүс.
За эргээд зөвөлгөөндөө оры. Бас жинкэн ясны үзмэрч гэж харагдхын тулд нөгөө хэнийх шиг аймар шар дээл хийлгээд өмсчих. Үсээ жоохон ургуулнаа. Ойр ойрхон угаагаад хэрэггүй. Ширэлдсэн байх тусмаа аймшиг төрүүлнэ. Тэгжаагаад хэдэн эрхи мэрхи олоод авна биз, тэр чипухаа. Аа нээрээ баахан арц аршаан олж авхын шүү. Тэгээ л уншлагатай аравнайтай гэж шаагаа л боож явуулаад байна шүү дээ. Арцы нь дуртай түүцнээсээ бөөнднө, аршааны нь дуртай жорлонгийнхоо караантнаас авна.
Манай амжилтын гол түлхүүр бол килиентүүдэд итгэл төрүүлэх. Итгэл ч юу байхуу, аймшиг төрүүлэх нь чухал. Эхлээд орж ирүүт нь "за яасан" гээд үл тоосон царайгаар асууна. Асуунгаа хувц хунар, бэл бэнчинг нь ажиглана. Одоо нөгөөдөх чинь өөрөө долоон булчирхайгаа тоочоод унана. Анхаараагүй царай гаргышдээ. Харин дотроо вол сайн цээжилж авы шүү. Эргээд өөрт нь ашиглана дараа нь. Килиент пориблээмээ хэлээд дуусуул төлөг тавинаа. Шоогоо хаянуу, эрхиэ үлээнүү, цээжээ нүднүү, шилээ татуулж хялайж унануу өөрийнхөө фантаазаар нэг юм хий. Тэгээд худлаа нүд мүдээ аниа л, ай?! Тэгэнгээ килиент өөрөө юу гэж хэлсний нь санжаагаад таарсан паниагаа сэтгэж олышүү. Ер нь вол ихэнх паниа, панаалаа шоо моо руугаа харжаахдаа л бодож олышдээ. Харангаа амандаа орсон нэг хипооп дууны дахилт бувтнаа л. Тэхээс тэр шоо хэд буух нь маниусд падлий ч байхгүй. Юман доогуур өнхкрөөд орчкуу л бол. Дараа нь тонгойж авкаж лай.
Хамгийн түрүүнд килиентийн пориблээм ямрыг үл харгалзан "Чи ч шударга үгтэй, тэрийгээ хэнд ч хамаагүй хэлчкээд байдаг, тэрнээсээ болж жоохон хэл аманд орчкоод байдаг... хүн юм байна даа" гэхэд ямар ч ширүүн хүн зөөлрөө л ирнэ. Харин дараа нь "чиний энэ ч..., заддаа, хүнд л байна даа, гэхдээ гайгүй ээ гайгүй" гэж хэлэх нь зүйтэй.
Хэрвээ хүн амьтны бие хаа муудаад эмчилгээ авкуу байна гэвэл, "танайх саяхан нэг бараан өнгийн гялгар хатуу эд авжээдээ, тэрийгээ надаа аваад ир" гээ. Шинэ цахилгаан бараа ороод ирэх ч юм билүү. Ядуувтар амьтан байхын бол "танайх тэр улаан өнгийн юмаа хая" гээ. Ацруулаад хэрэггүй. Хогоор яахав.
Их сургуульд элсэх, ажилд орох, вийз хөөцөлдөх энээ тэрээ гэвэл төлгөө тавиа л "хөөцөлдөлгөө л мэдхийн байна" гээ. Нөхөр нь хөндийрөөд байна гэвүүл нь шоогоо хаяаа л "за нэг хүүхэн л байна даа, өөрөөс нь нэлээн дүү болуу" энэ тэр гээ л,... ай?
Өөрийгөө үзүүлхээр гарууд бас ирдиймаа. Бие нь тавгүй байна энээ тэрээ гээ л. Хэрэв тэр гадаадаас саяхан ирсэн бол "хоол зохиогүй байна" гээ, гадаадаас ирээгүй бол "за яагаад лус хилэгнүүлсэн? газар шороо хөндцөн л вайна!" гээ л. Амархан доо. Залуухан охид банди нар байвал, "биен дээр чинь улаан юм гарчаагаа биз" гээ. Баталгаатай байгаа. Настайвтар улсууд байвал "за, даралт ихсээд, хүзүү мөрөөр чинь хөшөөд байгаа биз?, тэгнэ" гээ л хус. Килиентийн зовхи хавдсан харагдуул "өө бөөр" гэж мэгээ л. Килиент нас тогтсон эрэгтэй хүн байвал "элэг жоохон асуудалтай байна даа" гээд, эмэгтэй бол "хэдэн хүүхэдтэйв" гээд олон тоо хэлүүл "тэгнээ тэр саванд жоохон үрэвсэл байна" гэж хэлнэ. Цөөхөн тоо хэлүүл "обоорт хийлгэжээснүү" гэж ширүүвтэр асуугаа л тийн гэнгүүт дахиа л дээрх үгээ хэлнэ. Үгүү гэвэл сонин л юм да гээд ахиад дээрх үг. Алдаж үзээгүй алтан мэргүүдээ хэллээ шүү би ингээд.
За килиентийнхээ хэр аймхай, хэр бийлэгжүү байдлы нь харжаагаад засал хийнээ. Xиэ хиэ хиэ. Хүүхнүүд, авгайчуул бол аймхай доо хөөрхийс. Том мөнгөнүүд орж ирнэ шүү дээ. Караантны ус уулгаж, шороо цацxаас эхлээд гөсрий юм хумаар нуруу руу балбаж бариад... ай. Элдэвлээд өг муусай юмнуудыг. Тэгээ л ер нь алгадаж, амбаардаж, элэгдэж, галуун цуваагаар явуулж, хамры нь чимхэж, сайхан хүүхэн тааруул нүцгэлүүлж аятайхан байрлалууд авхуулж, нүдээ хужирлаж энэ тэр,... ер нь яах нь чиний дур доо. Aлчкуу л бол болоо. Сайхан хүүхэн гэснээс сайхан хүүхнүүдэд бол тусдаа, арай өөр армаантаг засал хийшдээ, аманд орсон шар тосыг хэлээрээ түлхчвээ. Угаасаа надтайгаа таарсан юмнууд байдий. Энэ шоо чамайг хэвт гэж буулаа даа .. гээ л эхлэнэ шүү дээ
Хэхэ амархан байнуу. Санаанд чинь багтаад иржаагаа биз. Өөртөө нэр өг. "Тэнгэр газрын савслага дахь саглагар улиасан дор шүтлэгтэй зургаа долоон үе дамжчаад байгаа хар алаг талын бөө мөө" гээ л, ай?
За тэр килиент тэгээд цаашаа яагаа бол энээ тэрээ гэж санаа зовох хэрэггүй шүү. Бяданд түй ч падлийгүй. Бяд ямар төр засаг уу? Бяд ямар алтан загас уу? Аа ер нь вол яахав өөрийгөө харын талын хүн гэсэн юм яриулаад хоёр гуруун настай авгай үүдэндээ суулгачих хэрэгтэй. Хэт нь чамайг шанаадаж магадгүй улсууд тэрнээс чинь бэргэх учиртай.
Чиний хэр сайн таажээснаас болоод чи жоохон алдаршиж магадгүй. 3урагт мурагтаар гарахдаа тулуул хаа хамаагүй нэг өдөр, улирал хэлээ л энэ л өдөр цагаан сар хийнэ дээ гээд гүрийчих. Зун л үлдсэн байхаа даа одоо. Намар, өвөл, хавар чинь аль хэдийн эзэнтэй болсон. Тэгээ л Кордлээрийн нурууг тахиж, Aтлантын далайд өргөл өргөнө гээд Сүхийнхээ талбай дээрээ савтай бинзээн, жажгаалк 2-оо атгаад суучна шүү дээ. Амархаан амархан. Үзмэрч бядны анхны алхам энэ л талбайгаас эхэлж томрохдоо ч энэ л талбайдаа эргэх нигууртайм. Бүр ордонд нь байсан нэг үлгэр жишээ аргат эр ч бий.
Hээрээ гам сайн баринаа манайхаан. Сонгууль, наадам, олиймп энэ тэр явдлын өмнө бол аятайхан бултаа л, хүн танихгүй газар байжээсэн нь дээр. Мөнгө чинь хүрүүл гадагшаа гарч амаркуу юу. Харин гадаад хүмүүст мэргэ төлгө хийж паахтлав даа. Залилангийн хэргээр ачигдаад алга болышүү. Тэгээ л дээрх явдлууд болоод өнгөрчүүл эргэж ирээ л, би яг мэджээсэн гээ л бууж гарна шүү дээ.
Тэгээд залхуу чинь хүркүү бол хажуугаар нь зурхайн тоолол цээжлээд авчуул хэрэг болдын. Тэгэнгүүтээ ардаа зурхайч гэсэн нэр зүүгээ л. Орлого чинь арвижна. Нарийн юмнууды нь маниус ямар ойлгох чиш дээ, хэдэн нэрлэгээ байхад л болоо. Хэрцгий охин од, зэвдий мэвдий гээ л хэ.
За тэгээд алдар нэрийн оргилд гарч ашиг орлогоор дүүрэн байх болтугай. Алдаршкуу удаад байвал одоо... ширнүүдээ сайн давхарлжаагаа л, нэг гариг олж холбоо тохтоож үзэхээс дээ.
Амжилт хүсий!!!

Дэлхийн Мисс 2008

2009-01-06T23:57:00.000-08:00

58 дах удаагийн Дэлхийн Мисс шалгаруулах тэмцээн Өмнөд Африкийн Иохансбург хотноо Сандтон зааланд болж өнгөрлөө. Анхандаа уг тэмцээн Украйны Киев хотноо болохоор төлөвлөж байсан боловч Орос, Украйны маргаанаас болон Дэлхийн Миссийн байгууллага Өмнөд Европоос өөр газар зохион байгуулахаар шийджээ. Дэлхийн өнцөг булан бүрээс оролцсон 109 бүсгүй уг титмийн төлөө өрсөлдсөн ба энэ удаагийн 58 дах тэмцээнд түүхэндээ хамгийн олон оролцогч буюу 2004 оны Дэлхийн Миссд 107 бүсгүй оролцож байсан тооноос давсан байна. 2007 оны Хятад улсын иргэн Дэлхийн Мисс Зан Зилин ялагч болох Оросын гоо бүсгүй Ксения Сукиновад титмээ дамжуулан өгч шинэхэн гоо бүсгүйг зарлав.

2008-12-13T17:54:00.000-08:00

Биеэ сайжруулах 20 арга

1. Хоолоо хасах—хэт цадтал идэхгүй, тогтсон цаг тогтсон хэмжээтэй идэж, шингээлтийн эрхтний эрүүл мэнд, өвчингүй байдлыг хадгална.
2. Гэзгээ байнга самнах—өглөө бүр гэзгээ хэдэн арван удаа самнавал хийг тарааж халууныг хөөх бөгөөд бөөрний ажиллагааг сайжруулах болно.
3. Цээжээ хамгаалах—цээжээ хамгаалах болон нуруугаа дулаалах бол биеийн дулааны хэмийг хадгалах ба бие махбодоо эрүүл мэнд байлгахын хамгийн чухал хүчин зүйл болно. Зүрх, уушги, элэг, дэлүү, ходоод, гэдэс, бөөр зэрэг эрхтэнг цөм сайжруулах үүрэгтэй.
4. Гэдсээ илэх—Гэдэсний хэсгийн булчингийн хөдөлгөөн нь ходоодны гөрвөлзөхийг ахиулдаг. Гарын алгаараа гэдсээ аяархан нухалж массаж хийх нь шингээлтэнд тусалж, идэш хурсныг арилгаж, тамирыг төлжүүлэн биеийг чийрэгжүүлж, дотоод эрхтний судас садрыг нэвтрүүлдэг.
5. Хөлийн улаа илэх—хөлийн ул бол хүний биеийн ёроол. Орой бүр хөлөө угааж хэдэн арван удаа массаж хийх буюу хөлийн улаа харилцан шүргэвэл цус, хийг төлжүүлэх, судлыг талбируулах мөртөө ядрааг тайлж хуучныг гадагшлуулж шинийг хүлээн авах үр дүнд хүрдэг.
6. Тагнайгаа долоох—хэлний үзүүрээрээ тагнайгаа байнга долоож нүдээ аньж анхаарлаа төвлөрүүлбэл хийг төлжүүлж зүрхийг тэжээж, шүлс төрүүлэн дэлүүг сайжруулна.
7. Шүлсээ 3 удаа залгилах—шүлс бол шингээлтийг сайжруулах эрдэнэ болно. Ам дүүрэн шүлсээ 3 хувааж залгаар залгилна. Ялангуяа шөнө дөл ингэж хийвэл цээжийг уужруулж хийг шулуутган, дотоод эрхтний ажиллагааг сайжруулж, өвчнийг анагаан урт наслуулах үүрэгтэй байдаг.
8. Хурьцлын ажлыг зохистой хийх— зохистой хурьцал үйлдвэл урт насалж чадна.
9. Цагариг булчингийн авчилт тэтлэлт— өдөр бүр хошногоны сүвийн цагариг булчингийн авчит тэтлэлтийн хөдөлгөөн хэдэн удаа хийвэл цагариг булчингийн ажиллагааг сайжруулж тамиржуулах болно.
10. Шүдээ мөргөлдүүлэх—өглөө бүр дээд доод шүдээ 30, 40 удаа мөргөлдүүлбэл шүд булыг сайжруулах болно.

11. Морь харахдаа дугуй байх—шээж баахдаа амаа таг хамхиж, хоёр гараа чанга атган анхаарлаа төвлөрүүлнэ. Ингэх нь оюуныг нэмэгдүүлж, хийг сайжруулж, биеийг чийрэгжүүлэх болно.
12. Нүүрээ олон удаа илэх—өглөө бүр нүүрээ угаасны дараа хоёр гараараа нүүрээ 7, 8 удаа шүргэж илнэ. Дараа нь дунд, долоовор хуруугаараа чамархай, дагзны ясны доод талын шилний хэсэг, шилний хоёр талын хэсгийг тус бүр арваад удаа нухална.
13. Чихээ байнга дэлдэх—хоёр гарын алгаараа хоёр чихээ бөглөж, долоовор, дунд хуруугаараа ар дагзан дээрээ 7, 8 удаа дэлдээд гараа салгана. Энэ нь тархийг сайжруулах үүрэгтэй.
14. Хийгээ байнга тэжээх—хий бол хүний амьдралын дөрвөн их гамшгийн (архи, өнгө, эд, хий) нэг, хилэн бол хамгийн хэцүү. Үргэлж дарж байх хэрэгтэй.
15. Нүдний цэцгийгээ байнга эргэлдүүлэх—харааны мэдрэлийн булчингуудаа чийрэгжүүлэхийг анхаарах хэрэгтэй. Цэцгийгээ эргэлдүүлэх, үргэлж алсыг харах, харааны эрүүл мэндийн гимнастик хийх зэрэг болно.
16. Байнга биеэ угаах—байнга нарны гэрлийн угаалга, агаарын угаалга, усны угаалга хийх хэрэгтэй. Өөрийнхөө байдалд тохируулан боловсруулах аргаа сонгож, аажмаар хэрэгжүүлэх хэрэгтэй.
17. Уурлахыг цээрлэх — хэрэг явдал тохиолдоход уурлахгүй, хилэгнэхгүй байж, өөрийнхөө эрүүл мэндийг хамгаалах хэрэгтэй.
18. Бие гараа байнга хөдөлгөх—наад зах нь нуруугаа сунайх, цээжээ тэнийлгэх, гэдсээ байнга авчуулан татах, дөрвөн мөчөө байнга хөдөлгөх хэрэгтэй.
19. Нуруугаа дулаан байлгах—нуруугаа дулаахан байгахыг заавал анхаарах хэрэгтэй.
20. Анхаарлаа байнга төвлөрүүлэх—анхаарлаа байнга төвлөрүүлэх хэрэгтэй. Ажил хийж байхдаа ийм, ажилгүй үедээ ч ийм байх хэрэгтэй.

Эмэгтэйчүүд хамгийн амархан нэрвэгддэг өвчнүүд

2008-12-13T17:42:00.000-08:00

Солонго сэтгүүл
2004 онд эмэгтэйчүүд ямар өвчинд хамгийн их нэрвэгдсэн бэ? гэсэн асуултаар 2004 оны эмэгтэйчүүдэд нэрвэгдсэн өвчинд судлагаа хийсний дүнд савны хүзүүний үрэвсэл, жирэмслэхгүй төрөхгүй болон савны булчингар нь эмэгтэйчүүдийг хамгийн их шаналгаж байгаа өвчин юм байна.
Савны хүзүүний үрэвсэл үтрээний үрэвслээс их байна. 2004 онд савны хүзүүний үрэвсэл, савны хүзүүний ялзралтай өвчтний тоо үтрээний үрэвсэлтэй өвчтнөөс 36 хувь илүү байсан бөгөөд ялангуяа хүүхэд төрүүлсэн буюу ураг унагасан эмэгтэйчүүд нэн их байдаг гэдгийг клиникийн материал харуулсан байна.
Мэрэгжилтнүүдийн танилцуулснаар, савны хүзүүний үрэвсэлтэй хүн үтрээний үрэвсэлтэй хүнээс их байгаа нь эмэгтэйчүүдийн танилттай холбоотой. Цөөн тооны савны хүзүүний үрэвсэл, савны хүзүүний ялзрал нь савны хүзүүний хорт хавдар болдог болохоор эмэгтэйчүүд савны хүзүүний үрэвсэлтэй болсноо мэдмэгц бараг цөмөөрөө эмчлүүлдэг. Харин үтрээний үрэвслийг анхаарах хэмжээ нь бага бөгөөд олонхи эмэгтэйчүүд гэрлэсэн хүн бүхэн үтрээний үрэвсэлтэй, энэ бол маш хэвийн үзэгдэл гэж үздэг байна.
Жирэмслэхгүй үржихгүй байгаа нь юунаас шалтгаалж байгаа вэ. Ноднин, жирэмслэхгүй үржихгүй өвчнөөр эмчлүүлэгсдийн тоо олширсон нь голдуу өндөг дамжуулах гуурс бөглөрсөн ба эрэгтэйн үрийн шингэний чанар муудсан асуудлаас шалтгаалж байгаа бөгөөд сүүлийнхэн хүчин зүйл нь түрүүчийнхээсээ их байна. Жирэмслэхгүй, үржихгүй байгаа шалтгаанд эмэгтэйн өндөг дамжуулах гуурс бөглөрсөн нь 46 хувь, эрэгтэйн үрийн шингэний чанар муудсан асуудлаас болсон нь 57 хувийг эзэлж байгааг клиникийн материал харуулж байна.

Мэргэжилтнүүдийн тайлбарласнаар, өндөг дамжуулах гуурс нь маш нарийхан, нүдэнд үзэгдэхгүй, иймээс маш амархан бөглөрч, өндөг болон үрийн шингэн нэвтэрч чадахгүй болж, жирэмслэхгүй болгодог. Гэхдээ өндөг дамжуулах гуурсийг бөглөрөхөд хүргэдэг шалтгаан маш олон байдаг. Тухайлбал эмэгтэйн тасгийн өвчин, сүрьеэ, эмэгтэйн тасгийн мэс засын яр, төрөлхийн бойжилт тааруу зэргээс шалтгаалдаг. Эдгээр шалтгааны дотор, клиникт байнга тохиолддог нь эмэгтэйн тасгийн өвчин эмгэг болно. Харин сүүлийн жилүүдэд, эрэгтэйчүүдийн үрийн шингэний чанар нь эрс буурч байна. Эрэгтэйчүүдийн ажлын дарамт их, үдшийн амьдралын давтамж нь хэт их, бас үргэлж үүрэн телефон, агаар тохируулагч, компьютер, лазерын гэрэл зургийн тоног төхөөрөмж зэрэг электрон бүтээгэдхүүнтэй байнга ойртдог, эдгээр нь цөм эрэгтэйчүүдийн төмсний үрийн шингэн үүсэх эсийг хэвийн биш болгодог. Үүнээс гадна, хүчилтөрөгчийн бааранд суух, саунд орох заншил нь ч үрийн тоо ширхэгийг бууруулдаг байна.
70 хувийн эмэгтэйчүүд савны бунчингарыг тоохгүй. Одоогоор савны булчингар нь "эмэгтэйн тасгийн нэг номерын хавдар" хэмээгдэж, эмэгтэйн үржлийн системийн байнга тохиолддог хавдар болсон бөгөөд залуужих хандлага илэрч байна. Ноднин Шанхайн Рэнь-Ай эмнэлэгт эмчлүүлсэн өвчтний дотор, 70-аас доошгүй хувийн өвчтний заримынхан булчингарын диаметр нь 6 см-ээс хэтэрсэн, заримынхан булчинтгарын тоо нь 3-аас хэтэрсэн байлаа.
Савны булчинтгарын олонхи нь өвчний илрэлгүй бөгөөд үзлэг хийхээр дамжуулж оношлодог. Харин эмэгтэйчүүд эрүүл мэндийн үзлэгийг чухалчлахгүй, ер нь булчингараас болж сарын тэмдэг тасрахгүй, сарын тэмдэг тэгшгүй болох, үелэл нь богиносох, эсэхүүл булчингар нь давсгийг нь дарж шээх удаа олшрох, шээж гарахгүй болох, шээж дуусахгүй зэрэг байдал гарч өдөр тутмын амьдралыг нь ноцтой нөлөөлөх үед эмчлүүлдэг. Иймд ердийн цагт эрүүл мэндийн үзлэг хийлгэх нь маш чухал байна. Үүнээс гадна, булчингар нь 3 см-ээс бага байх үед эмчлүүлэх хэрэггүй, зөвхөн нарийн хянан ажиглаж, эмнэлэгт тогтмол үзлэг хийлгэх шаардлагатай. Цөөн бус эмэгтэйчүүд мөнгөө хэмнэхийн тулд таваараа эм авч уух буюу албаны бус эмнэлэгт эмчлүүлэх нь мөнгө төгрөгөө үрэх мөртөө өвчин үзүүлэх цагаа саатаах болно. Бие махбод бол нэгдүгээр том эд баялаг болохоор эмэгтэй найз нар болгоомжтой хандаарай

Escada fashion fall/winter 2009

2008-12-13T04:49:00.000-08:00

Òà á¿õýíäýý Escada-ãèéí 2009 îíû íàìàð çóíû çàãâàîûã òàíèëöóóëæ áàéíà.

S'HE's Blog

2008-12-13T04:38:00.000-08:00

Үргэлж гоо сайхан, залуугаараа байхыг хүсдэггүй бүсгүй хүн үгүй биз ээ. Хэрэв бүсгүй та үргэлж гоо сайхан, залуу байя гэвэл юун түрүүнд сэтгэл санаагаа тайван байлгах хэрэгтэй. Мөн амьдралаа өөдрөгөөр төсөөлж эрүүл мэнддээ анхаарах нь зүй. Болж өгвөл үргэлж шинийг санаж сэдэж байхыг хичээгээрэй. Залхуурах нь хөгшрөлтийн гол үндэс гэдгийг мартаж болохгүй. Ингээд гоо сайхан залуу насаа хадгалахыг хүсэж буй хэн бүхэнд дараах зөвлөгөөг толилуулж байна.
1.Гэр бүлийнхэнтэйгээ эвтэй найрсаг бай.
2.Найз нөхөдтэйгөө холбоотой байж, дотно харьцаатай бай.
3.Шинэ танилтай болохыг хичээ. Танилын хүрээ өргөжих тутам хүний сэтгэл сэргэж сэргэлэн цовоо, авхаалжтай болдог.
4.Хоббигоо хөгжүүлж, өөртөө байгаа нуугдмал авъяасаа нээн илрүүл.
5.Та урьд өмнө хийх гэж үргэлж хүсдэг байсан зүйлээ хийж бүтээхийг оролд.
6.Бусдад чин сэтгэлээсээ тусалж бай. Бусдаас талархал хүлээнэ гэдэг өөрийн хүч чадлаа мэдрэх хамгийн шилдэг арга юм.
7.Өөрийгөө хэн нэгэнд хэрэгтэй чухал хүн гэдгээ мэдрүүлэх зүйлийг байнга хий.
8.Ой ухаанаа хөгжүүлэх дасгал байнга хий. Ой ухаан сэргэг байх нь бие махбодийн залуужих процессыг улам идэвхижүүлдэг.
9.Үгийн сүлжээ байнга бөглөж бай. Энэ нь хүнийг сэтгэл зүйн хямралд орохоос сэргийлж ой ухааныг хөгжүүлдэг.
10.Сайн чанарын хүнс хэрэглэж, цагаар хооллож бай. Хүнс тэжээлийг эмх цэгцтэй хэрэглэх нь бие махбодыг эрүүлжүүлж чийрэгжүүлдэг.
11.Илчлэг ихтэй хоол болох махыг бага ид. Болж өгвөл загас болон тахианы мах, шинэ жимс, хүнсний ногоог ихээр хэрэглэ.
12.Шингэн зүйл маш их уу. Давсыг аль болох бага хэрэглэ.
13.Спортын дасгалуудыг тогтмол хийвэл залуужихад тань тустай.
14.Байнгын хөдөлгөөн дунд амьдар. Энэ нь зүрхний үйл ажиллагааг дэмжиж, цусны эргэлтийг сайжруулан шинэ сэргэг санааг төрүүлж залуужих процесст дэм болдог.
15.Гоо сайхандаа сайтар анхаар. Нүүрэндээ тос, нүүр цэвэрлэгчийг байнга хэрэглэж байвал арьс тань эрт хөгшрөхгүй.
16.Наранд удаан явахаас аль болох зайлсхий. Нарны шил байнга зүүж бай. Ингэхгүй бол нүдний тэнь ойр орчимд үрчлээ үүсч залуу гоо үзэмжээ алдах нөхцлийг бүрдүүлнэ.
17.Зогсохдоо нуруугаа шулуун болгон цэх зогсох нь таны галбирт онцгой нөлөөтэй.
18.Толгой цээжээ өргөж биеэ тэгш зөв авч яв. Бөхийж явах нь насыг тань улам нэмдэг.
19.Хаана ч гэсэн зөв сууж бай. Биеийн зөв хэлбэр таныг наснаас тань залуу харагдуулна.
20.Шүдээ эмчлүүлж, амаа эрүүл байлга. Хоол идэхийн өмнө , дараа нь шүдээ сайтар угааж занших хэрэгтэй.
21.Эмийг хамаагүй бүү уу. Уух шаардлагатай бол эмчийн зааврыг дага. Эмийн хордлого таныг хөгшрүүлнэ.
22.Эрүүл байхын төлөө өөрийгөө дайчлан тэмц. Хэрэв та өөрийнхөө эрүүл мэндийн талаар огт санаа зовдоггүй бол та амархан хөгширнө.
23.Амьдралын аливаа зөрчил тэмцэл, маргааныг хүлээж авахад сэтгэл зүйн бэлтгэлтэй бай. Энэ нь таныг хэт стресстэхээс сэргийлнэ.
24.Сэтгэлийн тэнхээтэй байж сур. Хэрэв сэтгэлийн гуниг зовлонгоо давж гарч чадахгүй бол дотны найз юмуу өөр хэн нэгэнтэй хуваалцан сэтгэлээ тайвшруулаарай. Удаан гуниглах нь хөгшрөх процессыг түргэтгэдэг.
25.Дуу хуур, наргиан наадамд оролцож хөгжилдөж бай. Ганцаардахаас аль болох зайлсхий. Гуниг гутрал, ганцаардал нь хүнийг амархан хөгшрүүлдэг гэдгийг санахад илүүдэхгүй болов уу.
Ингээд бүсгүй та өөрт хэрэгтэй гэснийг тунгаан авч амьдралдаа мөрдлөг болгоно гэдэгт итгэж байна. Амжилт бүсгүйчүүд ээ